Фразеологический словарь кыргызского языка (2015)
Опур-топур болуп, кайра-кайра, үстү-үстүнө келе берүү, үйгө толо кирип-чыга берүү же ызы-чуу, баш аламан, иретсиз абалда болуу. «Келинди келгенде көр, кемпирди өлгөндө көр» дегендер үйдүн ичин үч көтөрүүдө (Жантөшев). Эл Эсен менен Эшенкулдун үйүн үч көтөрүүдө (Бейшеналиев). Эртең менен эрте туруп үй ичин үч көтөрө сапырып чыктым («Советтик Кыргызстан»).

Толковый словарь кыргызского языка. 2015
Үйдү ополоң-тополоң кылып жиберүү, топуратуу. «Келинди келгенде көр, кемпирди өлгөндө көр» дегендер үйдүн ичин үч көтөрүүдө (Жантөшев). Эл Эсен менен Эшенкулдун үйүн үч көтөрүүдө (Бейшеналиев). Эртең менен эрте туруп үй ичин үч көтөрө сапырып чыктым. В.: Үйдү үч көтөрүү. Жентек жейбиз деген аялдар үйдү үч көтөрүп жатышты («Чалкан»). Балдар да уркурап-чуркурап үйдү үч көтөрүп жиберишти («Кыргызстан маданияты»). Ажарды бузган силерсиңер деп, өткөн түндө Итике үйүн үч көтөрүптүр (Жантөшев). В.: Үйдү түп көтөрүү. Атырылган жолборсторум, үйүн түп көтөрүүдө (Бейшеналиев).